小學生作文《我老豆係保險佬》！唔幫佢老豆買保險就會地球毀滅！！邏輯思維爆表！！
我老豆係一個好老實嘅保險佬，日日返工冇休息，市場嘅競爭力又大，導致老豆壓力好大，我擔心老豆佢搵唔到單搵唔到錢！如果你哋唔幫佢買保險，我老豆就搵唔到錢，佢搵唔到錢就唔會買飯俾我食，我冇飯食記憶力就會下降，上課就聽唔入腦，成績就跟唔上去，我成績跟唔上去，我阿媽就會鬧我，成日俾阿媽鬧，咁我就會失去自信！
失去信心讀唔好D書，讀唔好書就畢唔到業，畢唔業就自然搵唔到好工，搵唔到好工就搵唔到錢，搵唔到錢就冇錢納稅，冇錢納稅，國家就冇錢出糧俾老師，老師出唔到人工就會冇心機教書，沒心機教書，就會影響我哋祖國花朵嘅未來，影響咗祖國花朵嘅未來，中國就難以騰飛，中華民族就會退化成野蠻民族。
中華民族成咗野蠻民族，美國就會懷疑我國有大規模殺傷性武器，我國有大規模殺傷性武器，美國就會向中國開戰，第三次世界大戰就會爆發。第三次世界大戰爆發其中一方必定會實力不足，實力不足就會動用核武器。
動用核武器就會破壞自然環境，自然環境被破壞，大氣層就會破咗個大洞，大氣層破個大洞地球溫度就會上升，兩極冰山就會融化，冰山融化，地球水位就會上升，地球水位上升，全人類就會被淹死。
因為呢D關係到全人類的生命財產安全，所以我係呢度呼籲睇到呢篇文張嘅叔叔、阿姨、姨媽、姑姐、三姑六婆、哥哥、姐姐、隔離屋老王、如果你哋要買保險一定要搵我老豆，佢係一個好老實嘅保險佬，呢個月嘅時間越嚟越短啦，我哋唔可以俾地球毀滅嘅悲劇發生！
老師評語：你的邏輯思維強大到嘆為觀止！請馬上告訴你爸爸，老師明天就發動中國所有的學校，去你爸爸那裡買保險，下了課告訴我你爸爸在廣州哪間保險公司賣保險。
【特別聲明：圖片&視頻源於網絡資源，版權歸原創者所擁有。文字由「廣州吃貨」編輯創作，轉載請註明出處】 來源：www.vccoo.com[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
毒L頻道
