謝安琪嘅10年唔容易！終於要暫別樂壇～
![]()
上個禮拜謝安琪喺演唱會上面宣布暫別樂壇，專心做人妻，果然系香港女神，謝安琪顧家又錫老公！
![]()
一連兩晚嘅紅館演唱會曲終人散，謝安琪除咗多謝一直幫助佢嘅朋友、工作人員同歌迷，更加喺演唱會度多謝自己，話當時佢又細膽又唔善於social，但仍然決心出道。其實，歌迷都要多謝你，為我哋帶嚟咁多刻骨銘心又與眾不同的音樂，期待阿Kay再推出唱片果一刻！
![]()
謝安琪 2005年出道，10年間喺樂壇進出並經歷起跌，她出道第二年就憑《愁人節》迅速走紅，但又因為未婚懷孕而暫退一段時間。
![]()
婚後以《囍帖街》喺2008年再創事業高峰，事業一日千里，更加成為當時樂壇天后人馬之一。可惜喺11月初就因氣胸入院並接受手術，佢嘅左肺之前曾三度爆裂，唱歌唔可以太用力。
![]()
2009年5月謝安琪喺紅磡體育館首次舉辦個人演唱會，請咗汪明荃擔任尾場演唱會表演嘉賓。
![]()
因為佢曾經爆肺，所以佢嘅live水準唔系好穩，遭到媒體同網民嘅多次批評。因為當時謝安琪比丈夫張繼聰紅好多，張繼聰俾人稱為「廢柴老公」之外，同年謝安琪更同陳奕迅傳出緋聞，令佢形象受損，不過最終謝安琪、張繼聰、陳奕迅同徐濠縈相繼澄清後，事情告一段落。
![]()
其後謝安琪向雜誌《黑紙》透露，因網上嘅惡評同攻擊，令佢患上輕微抑鬱症，不過當時已經康復。2010年《Slowness》專輯針對城市生活節奏過急嘅現象，口碑甚佳。
![]()
2010年8月同新藝寶(即環球唱片子公司)續約五年，隨即推出首張國語大碟《第二個家》，不過反應比起《Slowness》慘澹，評價就麻麻，唔少樂評覺得呢張碟唔系好啱謝安琪一貫嘅個人風格。
![]()
2012年再於紅館舉辦演唱會，受到HKRIA版權風波影響，大眾關注程度及場數明顯唔及2009年。演唱會前亦有傳經理人夏森美同環球唱片不和，到5月夏森美證實謝安琪已同環球唱片達成共識，和平解約。
![]()
回復自由身嘅阿Kay同TVB修補關係，7月再次踏上TVB嘅舞台，人氣開始回升。2013年謝安琪《最好的時刻》派台後成為2013年四台冠軍歌曲，喺年底多個樂壇頒獎禮中獲獎。
![]()
2014年同經理人成立「邁亞音樂」，推出廣東大碟《Kontinue》，深受歡迎。2015年參與由麥浚龍同填詞人黃偉文計劃嘅愛情三部曲，擔任十年前歌曲《耿耿於懷》嘅女主角，同麥浚龍合唱《羅生門》，推出後好評如潮，登上香港iTunes下載排行榜第一位。
![]()
上個禮拜嘅暫別樂壇演唱會，劉德華驚喜現身，兩人更合唱《我恨我痴心》，全場High爆！ 喺2016年演唱會結束後，Kay表示有生BB嘅打算：「如果生到都好，我諗40歲之前比較啱，生到小朋友會系好開心嘅事，現階段想以家庭行先…」
![]()
金句王微信號：jinjuking 來源：mp.weixin.qq.com
[圖擷取自網路，如有疑問請私訊]
 | 喜歡這篇嗎？快分享吧！ |
前一頁
後一頁
