司機大佬,請你放過我們吧!

每次搭紅van嘅時候,心裏面都不其然有種不安感覺,當車速越來越高,呢種不安感覺就越來越強烈,心跳也隨之加快。眼見車速指示器超過100km,再高速掟彎,離死不遠嘅感覺也湧上心頭,心想:我係咪前世欠咗你吖。每當高速行走在崎嶇的道路上時,乘客感覺就好似坐過山車一樣,腸胃唔好嘅人,最好選搭其他交通公具代替。高車速,掟彎,突然扭呔,大力踩Brake,未停定開車門,大腳踩油門,chok住起步,這公式化的駕駛態度,搭慣嘅乘客早已見怪不怪,再加一兩句問候娘親,更加為你嘅車程倍添不安。那麼,扣安全帶應該有保護作用?!?但試問有幾多個乘客會扣?應該絕大部乘客都忘記安全帶的存在吧! 朋友話: 嘅然你咁怕搭van仔,冇人迫你搭,你有權選擇搭其他交通工具,咁x巴閉,搭的士囉,巴士都得㗎"。首先,如果日日搭的士,我財政負擔唔起,而巴士某程度上唔及van仔快捷方便。我只是想各位van仔大佬保持良好駕駛態度,我作為消費者,提出少少意見也可以吧!其實,我相信每一位紅van司機都想走多幾轉賺多些,生活迫人嘛。為咗達成目標,迫於無奈地做"賽車手"也情有可原吧! 但人命最重要,所以就算為咗餬口,也應該確保乘客嘅生命安全,保持良好駕駛態度,改善負面影像吧!


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁