星爺嗰套電影《逃學威龍》真係睇極都唔厭，你仲記得幾多位先？

:0:0

《逃學威龍》除咗星爺，仲記得幾多劇情。
重播又重播，但星爺嗰套電影《逃學威龍》真係睇極都唔厭。不過除咗星爺、「善良的槍」同小妖，你仲記得幾多位先。

黃Sir黃炳耀原來係編劇，不過92年過咗身。（《逃學威龍》劇照）

黃Sir（黃炳耀）：身為星爺同達哥嘅上司，最叻鉸剪腳。

不過黃炳耀原來係位編劇，只係間中客串演出，除咗《逃學威龍》，耳熟能詳嘅作品仲有《疆屍先生》同《夏日福星》等等，不過呢位金牌編劇，喺92年因病去世。

達哥近年減產喇。（資料圖片）

曹達華（吳孟達）：同星爺一樣係警察，不過入到學校做臥底就變咗校工。

達哥咁多年演藝生涯，同星爺可以話係形影不離。但達哥前年確診是心臟急衰竭，要住深切治療部，之後就開始減產，今年都有幫手拍港產片《導火新聞線》。

細龜&friends（《逃學威龍》劇照）

細龜近年多喺大陸登台。（資料圖片）

黃小龜（黃一山）：細龜喺學校俾小妖蝦，仲跟咗星爺做大佬。現實版嘅細龜，都係跟住星爺搵食，合作電影仲有《唐伯父點秋香》、《九品芝麻官》等，儲落唔少人氣。03年起佢返大陸登台搵食。

張耀揚喺戲入面係大佬，現實生活涉嫌藏毒。（《逃學威龍》劇照）

大飛（張耀揚）：黑幫大佬，吩咐手下對付星爺。

張耀揚可以話係影壇反派嘅代表人物，現實生活同戲中角色相差無幾，前年佢喺北京朝陽區一間酒店涉嫌吸毒同嫖妓，被拘留29日先獲釋。

張敏。（《逃學威龍》劇照）

息影後同前經理人結婚。（資料圖片）

Miss Ho（張敏）：星爺學校老師，最後鍾意咗星爺。今年49歲嘅張敏，曾同星爺合作多套電影，風光一時，不過03年退出娛圈，長居北京，13年與前經理人結婚劉永輝。

【星爺配角全去哪？】張敏嫁前經理人居北京「善良的槍」黃Sir 是編劇

[圖擷取自網路，如有疑問請私訊]