我個朋友重色輕友到..好過份..拍親拖就變成咁...

:0:0

我有一個好朋友，佢係一個比較容易負能量既女仔。我地識左好耐，記得之前讀書個陣糖痴豆咁每日都一齊，即使畢左業，大家各自各做野，大家都依然係感情不變，即使冇乜機會見面大家成日都會傾計wtsapp 。
就係大約大半年前到，佢同左個男仔一齊之後，就好似當左個男仔係一切咁，完全無理我無搵我，每次都係我做主動佢先會應我，然後約去街幾乎係冇次去得到成日比佢拒絕，個陣我已經覺得好無奈，但係都覺得算啦，佢同個男仔大約一齊左半年，然後因為私人理由分手，佢日日要生要死負能量爆登，又話乜野以後唔會搵到一個比佢更好既人，又話自己除左佢冇人會中意呢類既說話，又話想死，然後我呢個好朋友角色又出動，自問個陣成日陪住佢安慰佢又同佢去街不斷哄佢開心，好記得個陣佢同我講左一句，
內容大致係：（我拍拖個陣雖然無視左你，但你都冇唔理我，一直係我身邊，而家我散左你又係係到陪住我，我有你就夠）之類既說話，個陣我冇諗禁多隻係覺得呢番說話好窩心，然後大家感情又繼續好好，又成日互搵大家傾計。
重點黎啦！佢最近又同左另一個男仔，我唔知有冇一齊只知佢地關係好close，佢又開始無視我了，就算大家有一齊去街都好，佢全程係掛住㩒電話，而我知佢係同緊個男仔傾計既，而我發現每次只要有男仔出現係佢身邊，佢就會唔多理我，又要我主動搵佢先會覆我幾句。加埋對上一次，今次已經係第二次了，呢次我係有感覺到好唔開心好嬲同埋好唔明，有種比人當係水泡既Feel，點解佢要感樣呢，有仔就唔洗要朋友嗎？有仔萬事足嗎？我地既友情比唔上D男仔嗎？我真係覺得好心淡，我應該點做。

[圖擷取自網路，如有疑問請私訊]