【古老當時興】2017年又興返喇叭褲！？塵封的火焰大喇叭可以拎返出黎

記得對上一次著喇叭褲應該係初中（曝露年齡中），當時興著York喇叭褲加指定Dr. Martens，可能你會問York係咩嚟？
當時嘅York牛仔褲最拿手喇叭褲設計，同Levi"s地位幾乎睇齊。


潮流不斷遁環，中間也穿插過喇叭褲蹤影，今年春夏得到多個品牌力捧，就連時裝橋下也相繼出現（如果唔係我又點搵到相support )，事不宜遲，一齊睇嚇褲款相似但襯法效果大不同嘅示範。


我知佢係Coco Rocha著咩都靚，兩位都揀灰色bell bottom，明顯右手邊嗰位輸在揀錯cut ，上身闊、下身闊，外面仲要披大大件絨褸，成個人大咗兩個碼。



大家都著牛仔喇叭褲，一個就識玩層次，以軍褸襯軍綠色衫綁腰，另一位（我估）諗住拉長雙腿比例而揀高腰褲款式，窄身T恤應該想顯身材，加埋個籐籃咪就係有土味囉。



同樣係黑色，一個布料較挻身，褲款線條出色，另一個衰在棉質布料完全出唔到褲形，加埋converse同棉質外套，成件事平咗啲。



又係牛仔褲示範，今次輪到喇叭位出事，褲腳闊到連對鞋都見唔到，懷舊感過重，反而左邊褲腳順眼自然。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁