(大踢爆) 麥當奴23蚊餐黑幕~快d睇

:0:0

經我長期親身經歷及觀察所得, 麥當奴係會將廿一蚊餐的薯條份量減少
個薯條架, 中薯條好明顯分開兩排, 一排多滿d, 一排少d
凡係特價餐, 都會拎無咁滿既薯條
外賣多數人都唔會check, 一入左紙袋基本上就過左骨
而堂食職員會按實薯條包裝的中間, 營造到包薯條好似好滿咁
佢地永遠唔會打直拎包薯條, 因為d薯條比地心吸力吸曬落最底就好肉酸
只要一放上盤果下d薯條散散地出黎, 就唔覺眼其實得好少, 到你拎左盤野埋位坐, 就無得追了
一次半次可能係個別麥當奴的問題
有時少dd都算, 但望落包薯條份量同細薯條差唔多, 仲要去十間有九間都係咁, 真係不得不發聲
葵興, 紅磡街市呢兩間係我去開, 比得最少薯條既

而我家下買親麥當奴, 都會即時驗明正身, 無論堂食定外賣
一發現少得離譜就叫職員換過包, 多數情況下都會立即換比我, 係間中有一兩次d mk妹會串少少
從職員換薯條比我的過程中, 都睇到比少d薯條的情況的確存在

正常佢地應該將我要求換果包薯條倒返落爐度再斟過
但有時見到佢地將減左料的薯條原包放返上架, 係第二行拎包滿d既比我, 咁咪即係包野即將會比下一位
可能你會話廿一蚊咁平比你, 份量少返d都合情合理
呢點我就唔同意啦
如果麥當奴講到明特價餐的份量係會少d, 咁就你情我願
正如下午茶時間走入茶餐廳叫碟牛河, 都有分正常size同下午茶size
所以一係麥當奴就分開兩款巨無霸/麥樂雞/魚柳包餐, 一款正價一款特價, 一係就唔好偷工減料
有無係麥當奴做的巴打可以解下話, 麥當奴係唔係會叫員工特價餐要比少d薯條

[圖擷取自網路，如有疑問請私訊]