【長文有圖】三年無聯絡既中同港女叫我攞隻熱狗出黎俾佢食

:0:0

港女呢種生物有時真係唔係常人可以理解㗎！毒男網民阿唐最近就俾一無見三年，對一次WhatsApp係四年前嘅港女中學同學利用，想問佢攞免費Clockenflap飛同免費熱狗！
阿唐喺一年三日嘅Clockenflap音樂節做part-time熱狗熟食攤檔職員，最近喺一個中學同學聚會中透露自己會做Clockenflap，即刻俾一個港女同學問佢拎免費飛。阿唐當時拒絕咗港女，因為自己只係一個職員仔根本唔會有飛，亦攞唔到免費飛。港女就即刻黑口黑面，仲話佢態度差。
其後港女又WhatsApp佢，話自己一陣會去Clockenflap，美其名咁講到「我嚟探吓你吖」，實質係想阿唐請佢同佢男友食兩隻熱狗。仲即刻閂定後路「應該唔難啫，都係偷運出嚟之嘛」、「你咁叻，點會唔得喎。你偷偷哋攞出嚟，我同你到時裡交應外合咪得！」阿唐就坦言阿姐係度睇住，好難偷運到。叫港女「入得嚟唔爭在攞少少錢買啲嘢食啦」。點知港女一句撻埋嚟直指佢態度差：「我都係問吓啫，我突登嚟探你，你使唔使咁呀？」、「你同你隻熱狗值幾多錢呀？使唔使咁嘅態度？」。阿唐無奈講到自己都係打份工啫，港女就話：「咁算囉！兩隻熱狗都同我計，原來10幾年嘅友誼係咁脆弱」、「無朋友都唔使做啦我哋，下次食飯唔使預我。一場同學，你孤寒到咁，請我食兩隻熱狗都唔得。」
阿唐事後喺網上貼出對話，指自己呢份part-time已經得嗰雞碎咁多錢，個呀姐又企喺自己隔離，點攞俾佢呀？「佢又唔係我邊個。仲有呀，佢有男朋友㗎！攞俾佢？我連兵都唔係呀！」

圖片：人客人無藥醫

【原本帖文】
大家好我叫做呀唐。
我呢就喺Clockenflap到做嘅～
(即係依家好多偽文青好鍾意去，
明明佢哋都唔聽音樂，
但又扮晒嘢買成千幾蚊3日飛入去
同班friend影相呃like，
但係今年草地都無得你坐，
得爛地咋哈哈～)
我係入面做其中一個賣熱狗booth嘅小員工。
姐係叮吓個熱狗包，擺啲芝士落去，
就賣到好__貴呃啲港女個種呢～
當我知道我有得返呢份工嘅時候，
我都幾開心㗎！
因為我本人真係好鐘意音樂。
話說上個月有個中同飯局，
我唔小心噏咗我今年會喺Clockenflap賣熱狗。
跟住就有個中學個時已經好___港女嘅同學即刻望住我，
———————————-
港女中同：喂！咁你會唔會有免費飛呀？我同我BB都想去呀！
我：我賣熱狗咋喎，點會有免費飛呀？
個港女已經即時西__晒面，
港女中同：車～無咪無囉，使唔使咁嘅態度呀？
（我心諗：我咩態度呀？我話俾你聽我無飛咋喎，痴__線！）
———————————-
今日我諗住返工之際，
個八婆send msg俾我。
佢對上一次wtsapp我係2012年12月31號，
心諗個港女邊有咁好死搵我。
原來個港女係想叫我喺Clockenflap請佢同佢BB食熱狗，
我唔肯，仲發癲鬧我。
佢咁小家，張飛一定係喺唔知邊度R返黎。
(另見我同個港女中同嘅wtsapp圖)
個港女都on__嘅，
我呢份part-time已經得嗰雞碎咁多錢，
個呀姐又企正喺我隔離，
點攞俾佢呀？佢又唔係我邊個。
仲有呀，佢有男朋友㗎！
攞俾佢？我連兵都唔係呀！
我喺地下抿啲泥落去隻熱狗到俾你食就得！
好心個港女咪咁cheap啦，
無啦啦叫我攞隻熱狗比佢，
飛都已經唔洗錢入嚟睇㗎啦！
入嚟就喺到影相呃like，仲要我請熱狗？！
忽㗎？無啦啦俾佢鬧鑊甘，
佢連客都稱唔上呀，!@##$%%^！

VIA:popnews.hk

[圖擷取自網路，如有疑問請私訊]