馬明豪裝新房心穎BB進駐太古城

:0:0

馬明豪裝新房心穎BB進駐太古城上月初，無綫筍盤馬國明被本刊記者斷正，與黃心穎撐檯腳預祝情人節。兩人雖齊聲否認拍拖，但嘴角含春露曬底。馬明為將戀情低調處理，唔敢公開拍拖，只可與心穎同拍《深宮計》開工日見夜見。出名孝順的馬明去年以1,960萬元買入太古城複式單位，聲稱與父母同住，不過近月與心穎打得火熱，為準備新房娶老婆，正在裝修的新居主人套房已被他佔用，待豪裝完成後，心穎便可進駐太古城做女主人！撐檯腳被斷正 43歲的馬明dry足六年，苦等契妹唐詩詠無望，去年佢終於遇上熱情如火的28歲小花黃心穎，由女方主動出擊，暗中撻著。不過馬明唔想戀情通天，心穎亦非常配合，甘願做馬明背後的女人。直至上月兩人被本刊記者斷正，去到銅鑼灣一間高級日本餐廳撐檯腳，平日打扮求其的馬明頭戴cap帽、Iron Man卡通tee配老牛，刻意扮青春襯番心穎！

豪裝主人房訂特大雙人床馬明係圈中出名的孝順仔，與父母關係非常好，一家人多年來都同住在太古城，馬明不時都被影到陪媽媽飲茶行街。今次細屋搬大屋，據知馬明本來打算將主人套房留俾父母住，不過依家佢有女朋友，為咗方便帶女友返屋企，以及將來結婚所用，所以間套房最終都係歸佢！消息指除了有私人浴室外，馬明仲訂造咗張特大雙人床！

八十萬新車冧女除了豪裝新房，向來慳家的馬明最近更以八十萬買入Benz，換掉駕了多年的四驅車，迎合愛車之人心穎。日前有人目擊佢再去Benz睇車，未知係咪打算送部Benz俾心穎做情侶車？

台上偷偷互望早前「香港國際影視展」在灣仔會展舉行，當日無綫幾乎出動全台花旦小生，馬明與心穎同場現身卻刻意避免行埋，只在台上影大合照時偷望對方，事後馬明急急腳訪問都唔做就趕返無綫拍劇。

心穎BB呻見面時間少活動後心穎BB接受本刊訪問，一提到馬明時就笑到心心眼盡現，佢表示知道馬明換新車，不過自己就未坐過，如果有機會都好想坐，因為自己一向好鍾意車！另外被問到有冇同馬明屋企人食過飯，心穎BB似乎暗呻兩人見面時間少：「我連同佢食飯嘅時間都冇乜，又點會約佢媽咪呢？」稱兩人一同趕拍新劇《宮心計2深宮計》，忙到冇時間。咁希望佢哋拍完劇可以多啲時間二人世界啦！