曾是劉德華的御用替身，終於憑藉「城寨大奸角」奸出位

:0:0

劇集《城寨英雄》終於大團圓結局，「刁蘭」胡定欣同「拳佬」陳展鵬一招法式濕吻，成功打敗「終極Boss」砵仔糕老闆「楊竹鑾」（歐瑞偉飾），都真系幾surprise。

終極大boss「楊竹鑾」之前和貓仔的對戰中，被發現有鐵布衫護體，點打都冇作用，惟有將天干掟向尖銃嘅鐵皮上，博對方唔留神被插傷！可惜，天干戰鬥力實在太強，竟然一啲事都無！

天干嘅鐵布衫已達爐火純青境界，更將衝擊反彈番俾貓仔，貓仔瞬間被彃開至幾米遠！天干左手捉住貓仔條頸，右手拎住鐵枝，跟貓仔說：「你知唔知你輸啲咩，系情，呢個就系你罩門！」說畢將鐵枝直插貓仔身上，然後再說：「無情，就系無敵！」觀眾睇到呢幕嬲到拍曬檯，大鬧天干點解可以咁無人性！

楊竹鑾喪盡天良，竟然想連親生女都想殺埋，先逼迫親生女柯德莉飲有毒的水，之後再故意放走柯德莉，讓他可以跟蹤柯德莉到拳佬、牙佬袁偉豪等人的藏身地天台拳館，眾人與楊竹鑾對戰。

楊竹鑾再爆衫，拳佬、牙佬、刁蘭同泰婆圍攻都唔系好夠打，正當刁蘭發現楊竹鑾運功時，將罩門轉移到章門穴，即系右邊胳肋底！之後佢哋系咁圍攻佢個胳肋底，正當以為搵刀仔拮得入時，楊竹鑾已經將罩門轉移到其他地方，真系打極都唔死！

點知刁蘭無啦啦咀嘴拳佬，應該過啲真氣畀佢！之後拳佬即刻睇到楊竹鑾嘅弱點，即一下打落楊竹鑾弱點，楊竹鑾實時噴血走佬，呢次真系盲拳打死老師父！楊竹鑾落荒而逃，一度叫惡霸幫手對付「拳佬」眾人，但城寨一班居民挺身幫手，最終拳佬同牙佬聯手打落楊竹鑾，令楊竹鑾吐血而死！

藝人歐瑞偉因《城寨英雄》「楊竹鑾」這一角色塑造確相當成功，惹起咁多話題，「楊竹鑾」歐瑞偉嘅不死身，就系網民熱話之一。對於被指「太誇張」，佢就笑住咁話：「今次劇集系打得好漫畫式，好似胡定欣咁都打到好似飛出嚟咁，問題唔大，大家唔好當現實咁睇。」歐瑞偉仲話擁「不死身」其實冇乜著數，因經常要捱打：「成日都要畀人打，唔系咁好享受咋！」歐瑞偉坦言劇集受歡迎，亦有帶挈佢多咗工作。