「環保L搞到我阿媽冇咗份工！」　巴打：有做過前線都知好擾民 | 真心膠 | 膠Hub

:0:0

唔知大家仲記唔記得高登經典潮文-《關心妍搞到我家姐無左份工》。呢篇文章不斷被人回帶，已經成為年經級嘅經典潮文，呢篇文章至今依然係巴打嘅玩物。
閱讀全文

連登有巴打開post講呢單嘢：

先旨聲明，這個是正經post
我真係有野想同大家講
等大家唔好盲目追捧呢d所謂既環保
我阿媽一路都在上水廣場一間連鎖快餐店做樓面
間店有好多街坊同埋後生仔幫襯
我阿媽做了很多年，已經是senior
咁多年黎都好俾心機做，經理亦好like佢
因為收入不錯又隱定，阿媽已經準備好筆錢供我出國讀書
咁多年黎我阿媽好少俾人投訴
而且同好多熟客既關係都唔錯
前排有個環保撚去過我阿媽間店幫襯
不過同佢落單既不是我阿媽，但佢一叫就叫左好多野食，仲拎左一大堆乜嘢環保餐具環保飯盒環保膠袋，指定要用呢啲野裝住啲食物
過左個幾星期，個環保撚又再去間餐廳食飯
上次同佢落單既伙記果個Day-off, 咁我阿媽就頂上serve佢
開頭已經好有禮貌介紹d新飯餐俾佢, 仲話俾折頭佢
佢就無乜反應，望一望另一堆客
果堆客係普通家庭，三至四個，叫左外賣不過堂食，仲拎咗好多膠餐具同埋膠飲管係枱度諗住拎返屋企用
呢個環保撚就同我阿媽講話可唔可以趕走呢班唔係用自備餐具嘅人，等佢可以安心食飯
我阿媽同我講，佢公司一向唔俾佢地咁做
驚做壞個頭，除非真係有乜大人物有傳媒，我哋先至會勸喻其他食客用返自備餐具
但佢見到果個環保撚黑口黑面，都識做話打電話去問一問老闆
老闆梗係話唔得啦，至多送多佢一套環保餐具
咁個環保撚就發老脾，鬧到我阿媽一面屁
d說話勁難聽，又話個地球就嚟毁滅，海龜就嚟死晒就嚟抖唔到氣，連全球暖化都係因為我阿媽
我阿媽都唔敢得罪佢，一味道歉
跟住個環保撚就走左人，阿媽就同老闆備案
老闆了解左情況就無再追問
過左兩日佢接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我阿媽估黎估去都淨係得失過嗰個環保撚一人
總之俾老闆話左兩句
又過幾日，個環保撚又黎
這次和幾個環保人士一齊，但好在成店都無其他客
我阿媽怕又惹事，叫左個junior過去serve佢
點知條環保撚係要點番我阿媽serve..
根住個環保就玩野，叫我地公司拎晒啲塑膠餐具出嚟，話要睇吓仲有幾多破壞地球嘅垃圾喺度，阿媽雖然知公司唔俾咁做，但怕左佢，唯有比佢
點知佢地將我哋包好左嘅外買餐具逐個袋拆開，又話呢啲餐具質地好差唔應該用
我阿媽終於話唔好意思，其實唔可以咁做
(根本明知她玩野啦…..)
又係至多俾多d套環保餐具佢
跟住佢地其中一個環保撚就鬧我阿媽話”你仲嫌地球唔夠多俾人用完即棄嘅餐具，你仲要周圍派？
我阿媽話唔係，但佢照鬧
鬧左十幾分鐘
d同事見咁幫手，又照鬧
最終打俾老闆備案
之後連收兩封warning letter
早兩日接埋大信封
即日俾人炒左