PTGF密密做手揸5層樓　私影妹曾上游求洗底

:0:0

肥仔黎有時睇新聞，真係覺得買樓話咁易！耐唔耐就會有啲女出黎同你講，買樓好easy架，又話已經上咗車乜乜乜！今次輪到一個叫曾上游 Charlotte嘅女仔，最出奇嘅係佢話做兼職做到買到5層樓！係咪好想知佢點做到呢？
Cap嚟見我
Charlotte中文名叫曾上游，人如其名「力爭上游」，25歲小妹妹畢業一兩年就「報稱」手揸5個物業！聽下佢點講先：

「我出生於基層家庭，父母離異，有一個妹妹。母親獨力撫養我和妹妹，為報答養育之恩，我一直希望在香港可以買到面積600方呎的3房單位，供一家三口自住。」

為實現目標，佢先喺內地買樓等升值，計劃將所賺資金在本地置業。

15歲起，Charlotte已開始兼職做侍應，後來得知在酒店做侍應時薪可高達60元，便找機會轉職。

佢話：「自己過往為儲錢放棄大部分娛樂，當年公開考試完結後立即做兼職；大學畢業後，人人去Grad trip(畢業旅行)，我就到酒店繼續打工，平均月入由5,000至10,000元。」

>>>接Job對話流出<<<疑點1：未畢業學生真係上到會？Charlotte於2016年護理學系畢業，未畢業就喺深圳寶安沙井區買咗個面積過千呎的單位，當年層樓175萬蚊人仔，仲要睇完樓即落5萬蚊人仔訂，再同銀行做按揭，首期50萬蚊人仔喎。好，問題就黎啦，未畢業仲係學生真係上到會？好，就當你得啦！佢果50萬首期點黎架呢？15歲開始做PT半工讀，每個月搵6000蚊，做足7先，又真係搵到50萬嘅，不過…聽埋落去先講！

疑點2：做7年PT果50萬輸晒啦！Charlotte話佢18歲就將兼職收入投資股市：「以前炒股多年，所賺的金錢不多，2015年更曾經因為借孖展買股票而輸掉40萬元，心痛肉赤得很，自始便不再沾手股票，轉戰磚頭市場！」嗱嗱嗱，聽清楚未？做7年PT果50萬輸晒啦！淨返10萬都唔知有無！之後仲好笑！

疑點3：賺咗100萬仲要問老母借10萬俾首期？Charlotte話佢第一層樓持貨8個月後，見單位市值升至296萬蚊人仔，所以沽售套現，之後佢又喺深圳寶安松崗區以市值約100萬蚊人仔買一房單位，但因當時資金不足，只好向老母借10萬人仔畀首期。嗱嗱嗱，又計下數先：296萬減175萬，明明賺咗121萬架，仲要問老母借多10萬做乜9？仲話2016年時單位升值至155萬元人民幣，將單位沽出並還錢畀老母喎。

之後又將獲利資金買入位於深圳龍崗區一個約值240萬人仔嘅單位，佢坦言呢個係投資失利嘅例子，因單位至今仍未升值。後來，佢又喺寶安沙井區以105萬人仔再買多個單位！

Charlotte大學畢業後做過一年註冊護士，但佢嫌護士月入僅3萬元，在港難圓上車夢，所以就做另一份工：「在朋友介紹下，我開始嘗試從事兼職模特兒同私影工作，發現可從中獲得滿足感，且有感青春要留倩影！」

講下講下，終於知佢15歲開始做咩啦！15歲拋個身出黎做，要搵100萬真係唔難！之前計果堆數真係嘥鬼氣，你肯搏肯捱，未畢業買太古城都不是夢啦！

之前接受訪問話男朋友無樓唔緊要，佢有！

年輕護士外地揸5層樓　冀拼出物業小王國
【人生勝利組】90後護士Charotte，年紀輕輕就喺外地揸5層樓，點樣做到？http://bit.ly/2FYBha1#兼職密密做 #人生勝利組 —————————————-「致富智庫」領悟理財/職場智慧，一Click改變一世http://money18.on.cc/wealth 安裝「東網Money 18」APPhttp://on.cc/redirect/money18安裝「東網」APPhttp://on.cc/redirect/oncc
Posted by 東網Money 18 on Tuesday, 6 March 2018
Capby：on.cc

[圖擷取自網路，如有疑問請私訊]