6大細個會Get錯嘅On9嘢 網民：諗返都覺得柒 | 真心膠 | 膠Hub
細細個嗰時咩都唔識，好多時唔知係真聽錯定真係get錯，好哋哋一句嘢就搞到變咗On 9 嘢，諗返起都覺得好好笑，一齊睇下呢6大篇有冇你份啦！閱讀全文1. 名字篇細個見到呀婆呀公個名得兩個字，但自己同呀爸呀媽個名都有三個字，以為去到唔知幾多歲要將自己個名第三個字cut咗佢。
2. 學校篇小學要學寫毛筆字，個Miss話聽日帶雜誌（習字）、毛筆、墨返嚟，咁就帶咗本雜誌返學。點知第二日返學見人拎啲「習字帖」，先知On 9咗，嗰陣收埋咗本雜誌唔敢同人講。
小學閘門寫住「小心電閘」，以為係有電流經過果啲電閘，防止有賊偷野，搞到每次行過都好小心。
有學校俾錢叫阿媽俾支票唔好比現金，因為細個唔知俾支票係要過數，以為淨係俾張支票就唔駛俾錢好抵。
3. 飲食篇細個問屋企人煙肉係乜嚟，屋企人答煙肉就係用煙熏熟嘅肉囉，跟住腦入面幻想幾廿個煙鏟揸住支煙喺度焗舊肉，諗唔明點解啲大人咁嘅野都放得入口。
細個以為high table dinner係喺一張好高嘅枱到食飯。
4. 卡通篇細個睇數碼暴龍03嗰陣，諗左好耐主題曲點解有句歌詞係「露營必須走」，有網友食花生話其實係「露營必須酒」。
5. 電視篇細個以為字幕係有個人即刻同步打出嚟，心諗點解可以打得咁快，特別係live嘅節目，真係以為條友打字咁快。
6. 科技篇細個以為Fax機係將張紙壓縮再經空氣傳比人。
肥仔黎就真係覺得好好笑，唔知各位巴絲打又中咗幾多樣呢？
延伸閱讀：香港愈嚟愈多台式飲品店，真係總有一間在你附近，最近屯門開咗間台飲，有網民入去做兼職，發覺入面啲店員真係好on9，呢間可能真係史上最on9嘅台式飲品店。
史上最On9台式飲品店屯門開咗間台式飲品店，有網民入去做兼職，發覺入面啲店員真係好on9。首先係個食材問題，冇啦啦發明啲新味道嘅珍珠，試食啲珍珠嗰時仲以為食得屎。最on9係有杯嘢飲叫「黑糖髒髒茶」，有客問呢杯係咩，個店員就答話「個杯圍住有啲污糟咁囉」。
原文如下：
以為咁簡單？樓主仲話啲嘢飲又細杯，又甜到一個點。仲要賣埋啲香蔥餅，珍珠奶茶舖賣咩餅啊？賣都算啦！又要唔整抽油煙機，搞到喺入面做嘢做到成身油，話啲香味可以吸引班人嚟食，但有冇諗過入面啲員工喺度吸油好難頂。
唔少網民紛紛留言：
沙鍋雲吞雞
今日行過見到AAPLx700
好在冇買
不過天仁咁近，唔ok 好快玩X完
個杯圍住有d污糟咁囉尋找他鄉的柒事
咁不滿 仲撈？空氣感薯條
行多幾步去屯市飲sharetea仲好啦巴爾幹半島
Vcity又有天仁 間大陸野等執啦
叫 86親茶我係張志明
X你老味，見到名同設計都唔X開胃，食屎啦
洗黑錢姐神農氏
見佢新開張都冇人等河國榮
不如69親茶重好台式飲品開到周街都有，就快好似7仔咁，總有一間喺你附近。香港人對珍珠奶茶嘅喜愛程度真係有增無減，有啲人為咗搵錢，真係咩都做得出。話說有網民喺連登開Post， 話自己喺太子附近買咗杯「貢茶」，點知好似係假嘢，仲要印有簡體字！連「貢茶」都有山寨版，真係唔知有咩係真……
講到台式飲品，一定係珍珠奶茶！而之前未有咁多台式飲品嘅店鋪時，香港人最常飲嘅都係ShareTea、貢茶、天仁茗茶等。但依家台式飲品嘅選擇愈來愈多，而我地最熟悉嘅貢茶竟然出現「山寨版」！唔知你又有冇飲過呢？
話說有網民喺連登討論區發帖，就話喺太子嘅長沙灣道有間新開嘅貢茶，點知買嚟試一試，就覺得好似係假嘢……事關連店鋪嘅裝修同飲品包裝，茶嘅味道都唔似一般貢茶，好奇心嘅佢就上網搵下係真唔係，先發現呢間貢茶原來係「山寨貨」~
而呢間店嘅招牌又真係寫住「貢茶」， 餐牌同價錢都同正版嘅貢茶一樣，而啲職員都著左印有「貢茶」二字嘅圍裙，唔講真係唔知係山寨版。
最搞笑嘅係飲品嘅杯身LOGO同正版貢茶一樣，但假貢茶嘅杯蓋上嘅口號同標籤就用咗簡體字，你話唔係假嘢都冇人信啦……
有網民發現，喺淘寶可以隨便買到貢茶嘅膠杯、杯蓋，所以話淘寶真係山寨貨嘅天堂~
為咗證實係真係假，網民就聯絡貢茶台灣總公司，而對方就回應話呢間係假冒店，會交由相關單位進行處理。
其實喺大陸已經有好多「山寨版」嘅台式飲品，只係估唔到連香港都有……所以大家以後買嘢時，真係要小心中伏啊！
早前有連登巴打發現太子界限街有間台式飲品店「貢茶」怪怪地，啲包裝用殘體字之餘，嘢飲嘅味道仲怪怪地。點知事發之後突然一晚大變身，到底發生咩事？
唔知大家仲記唔記得呢間本身係貢茶嘅茶飲店，貢茶官方證實咗佢唔係真嘅加盟店之後，事隔一晚，招牌竟然變成元品茶，最搞笑嘅係個logo同大陸依家最hit嘅喜茶差唔多。根據「喜茶」網站，logo係一個飲緊茶嘅男仔卡通，而「元品茶」就係女仔版嘅喜茶logo。
唔係講笑，區區一個晚上，個招牌就俾人換咗。
呢個先係真正嘅喜茶。
網民紛紛批評，話點解香港人依家咁折墮，連大陸老翻嘅習慣都學埋。
肥仔黎都覺得啱，其實個老細可以一晚搞咁多嘢，點解唔將能力用係正確嘅地方，用自己實力去創業，而係咁樣博大霧。
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
秋天的頻道
