以貌取勝 Husqvarna PILEN頭盔

瑞典電單車品牌「Husqvarna」以越野系嘅電單車而聞名,但佢哋係2015年就推出咗非常有型嘅街車「VITPILEN 701」同「401」。不過今次都唔係講部車,而係當日宣傳圖上位車手配戴緊個與別不同嘅頭盔。


呢頂前白後黑,既係全覆蓋型但又有護目鏡嘅頭盔早於VITPILEN嘅宣傳片上就已經現身,由於其特別外表,當時已經有唔少人討論緊個頭盔,但「Husqvarna」一直都冇公佈任何消息。直到上年年尾時佢終於喺官網公佈咗頭盔嘅參數詳情。頭盔名為叫「PILEN」,有別於現時新頭盔多以高科技為主,PILEN基本上都係一頂普通頭盔,但就於頭頂加入大氣孔以助通風,護目鏡亦可以輕易更換,另外內部嘅特別設計可以減少戴眼鏡嘅用家嘅不適。但計我話佢最吸引人嘅就係「清秀」嘅線條,可以話係難得有「輪廓」嘅電單車頭盔呀。


使用100%玻璃纖維製作,目前價錢未定。或者要等到VITPILEN於今年發售時先知啦。Husqvarna


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁
支持網站營運,有空請觀看一下我們的贊助商
1