兩輪的企業號 Bandit9 L-Concept

來自越南的Bandit9或者係目前最肯創新嘅電單車改裝工房。
OK,咁樣講可能有啲武斷,但先睇睇佢哋於一月公佈,全車冇一絲累贅線條嘅「Project Odyssey」,再睇睇新鮮出爐,以《Star Trek》中嘅「企業號」為靈感嘅「L-Concept」,相信你都會同意,佢哋真係唔係「改下車」咁簡單。



Bandit9官網上將「L-Concept」形容為「科幻的鉅作」,秉承「Project Odyssey」嘅簡潔,全車最主要有三個賣點:第一,係成一橫線、一體成型的鋁車身及油缸,後半部份輕微凹下以安放意大利皮座;第二,係仿「企業號」推進器製作的125cc懸浮引擎,排氣喉仲非常隱閉地收咗喺引擎下方;第三,就係線條怪異嘅頭把,其上的反手制動以及一紅一綠兩個按鈕為操作加上新鮮的科幻感。另外仲有LED頭尾燈、水平放置嘅後避震,加埋一齊就成為呢部令人眼前一亮嘅藝術品。





而Bandit9最令人佩服嘅唔單止係佢哋嘅設計,而係佢哋會將設計化成現實。所以「L-Concept」雖然叫「Concept」,但真係可以於官網落訂,限量9架,售價為10950USD,即86000HKD左右。Bandit 9


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁