銅色身驅 改裝BMW Cafe Racer

要令一架車擁有復古嘅味道可以由好多方面著手,而來自法國嘅電單車愛好者Vincent Degano就揀咗最顯眼嘅方法——顏色。而且唔係普通色,而係本身就已經充滿復古味嘅銅色!

由於爸爸係一名駕駛BMW巡邏電單車嘅法國警察,Vincent自細就對BMW嘅電單車情有獨鍾,長大後就自己落手落腳改裝。而呢部銅色電單車係基於一部93年嘅R100 R Mystic,Vincent首先將其拆散、修複,並改裝成Cafe Racer。之後就因為眼見好多改裝車唔係黑色就係銀色,於是為車架、前叉、避震彈弓噴上銅色,而極為搶眼嘅銅色油缸同車身更加係為專人焗漆,唔單止睇落美輪美奐,而且更加防氧化。成為與別不同嘅靚車。


Vincent指呢架車係佢咁多作品以黎最滿意嘅一部,唔單止因為靚,更因為坐姿、掣動以至引擎表現都令非常啱心水。眼見人家可以整到咁靚,又有冇勾起你部癮呢?Vincent Degano on Facebook


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁