襯返一Set Rough Crafts Revolator頭盔

Rough Crafts推出嘅改裝復古風電單車我哋之前都有報導過，而除咗成部車，佢哋亦有推出各種汽車零件等大家改裝自己嘅愛驅。但佢哋近日就發現咗個問題：架車係改得好靚，但好難搵個符合Rough Crafts風格嘅頭盔喎。解決方法？自己出囉。




經過八年都搵唔到頂襯返部車嘅頭盔之後，Rough Crafts終於推出自家頭盔系列「Revolator Helmet」。除咗外表上貫徹Rough Crafts嘅剛強復古風，佢實在都係一個非常堅淨嘅頭盔，事關佢嘅外殼係由多層碳纖構成，堅硬之餘亦只重1100g，內籠則有多層EPS發泡膠作為吸震用。另外設計上預留位置讓用家戴護目鏡(襯返一Set復古嘛)，咀巴附近亦加進風口方便散熱。






如果你都想買返個黎襯下車呢，我有一個好消息同一個壞消息。好消息就係「只需」加多70蚊美金佢就可以送黎香港直達府上，壞消息就係個頭盔本身就要780美金，連運費即係850美金(約6650HKD)落樓。要靚就要付出架啦。Rough Crafts


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁