拍拖半年閃婚!35歲李彩華閃嫁鋼鐵商人

今日是一年一度的情人節,不少情侶都外出慶祝甜蜜一番,而現年35歲李彩華(Rain)就藉著這個特別的日子,就在微博上留言「Rain+Eric=Mr & Mrs Huang!」,並貼出多張婚照,宣布她已成人妻!
撰文:新Monday、東方新地|圖片來源:李彩華微博、新傳媒圖片
Cap嚟見我
35歲李彩華拍拖半年閃婚現年35歲李彩華(Rain)早前曾與前無綫藝人何遠恒分手結束3年情,之後一直寄情工作,亦沒有再傳出緋聞消息。誰料今日情人節,她就在微博上留言「Rain+Eric=Mr & Mrs Huang!」,趁機對外宣布她已成人妻,並上載多張婚照。
李彩華原來喺2月2日結婚! 

相片中可看到Rain身穿「小背心」款兼拖尾的白色婚紗,簡單之餘又盡顯氣質,兩張Rain的單人照優雅大方,同時還有她與丈夫在露台上深情對望的相片。



 



據知Rain與在內地從事鋼鐵生意的老公Eric Huang拍拖半年就閃電結婚,早前他們到希臘聖托里尼小島度蜜月,近日將會返港過年。




網友:乍看相片誤以為是白韻琹?!有不少網友得悉後均有送上祝福,並指Rain的白色婚紗十分漂亮。亦有部份網友笑說,Rain帶格仔畫家帽手執鮮花的相片,乍看之下,誤以為是白韻琹(白韻琴)!
 

 

 
延伸閱讀:李彩華何遠恆拍拖三年分手收場李彩華同當年的「新五虎」何遠恆15年經朋友介紹認識,不經不覺已經拍拖三年,戀情由低調到近年大方認愛,更多次傳出好事近,還以為阿Rain好快做何太,想不到原來兩人於去年一月已經分手。
同何遠恆拍拖三年,李彩華由唔認到近年確定男友地位,二人不時結伴睇騷,又不時做黐頭芒開心在社交網上放閃,可惜此情不再。李彩華在內地劇接劇,男友又在上海搞裝修生意,兩人聚少離多,長期分隔兩地亦是分手致命傷。哽咽認分手據阿Rain好友透露,阿Rain思想傳統,每次拍拖都認真投入,都想同對方有將來一齊組織家庭,可惜兩個前度王傲山及潘啟翀都唔係咁諗,當年同阿Rain拍拖,一個瞞住女友外邊偷食,另一個又做疊馬仔欠下巨債,向阿Rain借千萬還債,令她對愛情缺乏安全感。
同男友分手一個月,周一(2月26日)深夜,李彩華由助手陪同飛LA開演唱會,被問到分手一事表現傷心,更哽咽回應同男友已冇聯絡!推住幾大篋行李行去櫃枱check-in,雖然有副黑超遮住半塊面,李彩華仍難掩一臉憔悴。
想趁早生B因何遠恆熱烈追求攻陷芳心,加上男方比阿Rain年長十年,理應相當成熟,但拍拖三年,對方卻未有為二人將來計劃,感情一直原地踏步:「阿Rain思想傳統,同BoBo(何遠恆暱稱)都拍咗拖三年啦,加上自己過咗三十歲,都想快啲結婚,趁後生早啲生小朋友,佢本身好鍾意小朋友,其實男友媽咪都有催佢哋結婚,想快啲抱孫,但BoBo四十幾歲人 仲好似大細路咁,完全冇planning,阿Rain試過幾次喺傳媒面前,講話想一兩年內結婚,但BoBo都仲係毫無表示,阿Rain點會唔心淡,佢覺得好冇安全感!既然睇唔到大家有將來,唔想再拖落去,咪提出分手!其實分手件事,對阿Rain都好傷,佢啲好姊妹同Rain媽都輪住陪佢,怕佢唔開心!」
今次到LA開演唱會,Rain媽未有同行,形單隻影的Rain李彩華,倍添落寞!似乎分手傷痛仍未平復,李彩華一提男友已經想喊,哽咽回應同男友再冇聯絡,之後急急腳行去入閘登機。過億富婆自從2011年主演內地劇《回家的誘惑》爆紅,Rain已經是手持過億物業的富婆,現在不用靠男人,但阿Rain唔會因此女權至上,反而好遷就男友。據知情者透露:「阿Rain喺內地劇接劇好忙,BoBo喺上海搞裝修生意亦冇時停,兩個經常分隔兩地,見面時間少好難維繫,但阿Rain對男友好體貼,為咗爭取時間見面,有時喺內地拍劇,BoBo專登飛去探佢,阿Rain拍完劇就算幾攰,都一定會陪男友食飯行吓街,好珍惜呢段感情。」相反何遠恆反而唔識體諒女友。據知情者透露:「阿Rain好孝順,唔會只掛住拍拖,乜都要預埋阿爸阿媽,好似去旅行咁,佢好多時都帶埋爸爸媽媽一齊去,仲會諗邊啲地方啱佢哋玩,但BoBo就成日想二人世界,兩個因為咁嗌交,出到去旅行,又只顧陪阿Rain,唔識細心照顧埋老人家!」思想愈來愈多分歧,難怪李彩華要忍痛分手!
在內地爆紅賺到過億身家的李彩華,感情路上多次遇人不淑,同何遠恆三年情最終未能開花結果,感情再交白卷!李彩華上年推出寫真集,內


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁