趁胡定欣出trip 陳展鵬載落選港姐山頂密會

:0:0

趁胡定欣出trip 陳展鵬載落選港姐山頂密會陳展鵬 (煎Pang) 與胡定欣在《城寨英雄》中分別飾演拳佬及刁蘭，鏡頭後秘密撻著，男方仲送埋戒指俾對方，似乎都好事近啦！但日前定欣出埠到吉隆坡工作時，煎Pang就被斷正與16年落選港姐單文柔摸黑到山頂密會，喺車內調情兼開餐！煎Pang見到記者後方寸大亂，先係不停閃縮遮樣，之後倒車時更撞咗落記者採訪車！睇嚟佢真係好淆底…… 《城寨英雄》戲假情真去年《城寨英雄》全城熱捧，劇中拳佬和刁蘭的愛情故事可歌可泣，令煎Pang定欣成為新一代螢幕情侶，其後更齊封視帝視後！今年已踏入4字頭的煎Pang，遇上恨嫁的定欣可謂一拍即合，戲假成真。基本上兩人戀情已經係公開的秘密，只待兩位主角公布好消息！

定欣出trip 煎Pang約女最近定欣出trip飛到吉隆坡，為其代言的護膚品牌拍攝新一輯廣告，不過煎Pang亦不愁寂寞，因為佢日前被斷正載一位長髮女摸黑上山頂，呢位女伴竟然係16年落選港姐單文柔！報道指煎Pang當晚出動其日本經典復刻版Toyota越野車到中環，並由單文柔負責下車買咖啡同嘢食，來來回回行幾轉，都好抵得諗，唔係港女喎！

定欣出trip到吉隆坡單文柔為去年落選港姐

被斷正方寸大亂之後煎Pang驅車上太平山山頂，未知係咪因為有女伴在旁，加上夜深人靜，所以左泊右泊，最後揀咗一排過咪錶位的中間位，似乎想喺山頂美景下開餐！當記者上前影相時，煎Pang一臉愕然，表現騰雞，閃閃縮縮咁撥低車廂太陽擋遮樣。反而在旁的單文柔表現淡定，未有遮樣俾記者任影。

撞車後絕塵而去唔知煎Pang係咪擔心定欣秋後算帳，所以想以最快速度閃人，入波倒車時竟然未有留意路面情況，一下撞咗落記者採訪車，將採訪車右方車頭攞至凹陷！一輪擾攘之後，煎Pang就揸車絕塵而去。煎Pang回應事後煎Pang喺IG出post，留言：「所謂的成熟，就是遇到突如其來的事，都要冷靜應對，處之泰然，屬真屬假都可以一笑置之。」另外又話明白每個行業都有自己的崗位，但希望大家可以有多一份尊重，工作時要小心為上，注意安全。不過今次載女上山頂事件中，有咩係真有咩係假？另外煎Pang寄語大家工作時要注意安全，係咪希望大家唔好學佢，撞到人架車然後走咗去？