【翻煲必睇】男神黃子華拍過嘅電影大盤點！

:0:0

之前我哋出文就講過，子華神將會同阿佘開拍電影《棟篤特工》，大家當然、絕對、肯定、超級、無敵期待啦！雖然子華神曾經自嘲自己系票房毒藥。但其實子華神嘅電影，系咪《娛樂圈血肉史2》所講嘅「平唔等於cheap」？即刻盤點一下啦！《神算》1992

黃子華銀幕初露頭角之作，做反派洪森（方剛）跟班William。始終老許擔正，又力捧黎明，子華戲份不多，但小人角色散發個人喜感。本片佢同時與許冠文身兼編劇。《人生得意衰盡歡》1993

黃子華第2套編劇，雖然有李子雄、李麗珍掛帥，劉青雲飾演火爆的士司機「狄尼路」，惡搞經典西片「的士司機」。最終票房收得5萬1。《沙甸魚殺人事件》1994

黃子華自編自演之作，想法唔錯，講都市邊緣人嘅壓抑和不安、對人不／無法信任。雖然趙崇基拍出嚟節奏偏悶，略嫌零碎，但偏向沉重、社會的題材，加埋精句台詞，絕對冧死一班fans。《二月三十》1995

低成本港產鬼片之中算正路；黃子華做八卦嘅警察陳查禮，首次提名金像獎最佳男配角。1997年嘅《猛鬼通宵陪住你》班底、格局、風格大致一樣，黃子華再次飾演陳查禮，好笑多過好驚，只系黃秋生換上另一影帝吳鎮宇。

《呆佬拜壽》1995

想睇子華做奸角，唔一定要TVB《狀王宋世傑》嘅賴三同《奸人堅》，亦可以睇下電影《呆佬拜壽》嘅招積。《金裝香蕉俱樂部》1996

黃秋生自編自導自演之作，明顯玩新城電台節目《香蕉俱樂部》，仲搵埋其中一個主持邵國華，同黃子華一齊編劇兼演出。以不同聽眾phone in帶出劇情，上述3人，加埋林曉峰，每人分飾主持、聽眾、聽眾來電故事中嘅人物之餘，仲演出埋間場廣告，夠曬搞鬼。《亞李．爸爸兩個大盜》1998

張達明、黃子華2個惡唔出樣嘅社會失敗者，打算劫金鋪食大茶飯，由練膽到買武器等，連場笑料，同時反映2個小人物的性格和蛻變，亦有黎耀祥同羅蘭嘅點睛演出。《男歌女唱》2001

玩反差，梅艷芳演一個靚聲但台上膽怯嘅素人歌手。黃子華本為輔助梅艷芳成名，結果電影最終變成了余樂天式嘅搶鏡騷，效果平平。《一蚊雞保鏢》2002

叫好不叫座，上映五日票房收11萬幾，定時定候被網民、傳媒「鞕屍」。睇過呢套片嘅觀眾相信同黃子華接受媒體訪問時感受一樣：「用咗好多心機，裏面有咁有趣嘅嘢，但最後仆街仆成咁！」《情意拳拳》2006

同《男歌女唱》格局類似，子華訓練應采兒成為猜枚高手，向賤男安志傑報復。表面上題材都算新鮮，但劇情其實十分正路而老套，演出亦無驚喜，加上應采兒已經唔系吸引，仲要搭多2件安志傑、吳天瑜，卡士票房輸曬。《嚦咕嚦咕對對碰》2007

其實片名已經改壞，王晶炒冷飯咁嘅feel。不過導演麥子善，拍過《醒獅》，都「唔少嘢」；而且劇本黃子華接到都頂唔順，《娛樂圈血肉史2》中自稱《嚦咕嚦咕對對碰》同《一蚊雞保鑣》相比只系「2毫」。加上李彩樺嘅演技，縱有諧星李燦森、張達明，觀眾亦笑唔出。全靠當年有《美女食神》佘詩曼、李克勤，否則一定橫掃坊間爛片獎項。金句王微信號：jinjuking

[圖擷取自網路，如有疑問請私訊]