喺馬路上踩單車，出事就係抵死？

喺馬路上踩單車，出事就係抵死？


日前香港啟德發生一單奪命交通意外，3兄弟夜晚踩單車訓練時，遭迎面一輛因為爬頭而逆線行駛嘅私家車撞倒，造死一死兩傷嘅慘劇。雖然呢單意外，從任何角度睇都係因為私家車漠視交通規則逆線行車造成，
不過竟然出現大量網民冷血留言，指單車友係「唔識死」、「唔見棺材唔流眼淚」，換言之，喺香港踩單車係自己找死？


當然亦有唔少網民都出言指香港嘅馬路使用權，單車一樣有份，其實無可能反責難單車人士問題，除非佢哋都有違反馬路規則。
其實香港過往一直亦間中發生馬路上的單車奪命意外，喺香港嘅馬路踩單車唔通真係自尋死路？

大車唔讓
香港馬路窄，車又多，尤其如果單車人士去市區，四處都係巴士、大型貨車、小巴等，加上馬路司機多抱住「優先」心態，覺得單車反而要讓汽車先，結果好多時候造成大車、單車爭路嘅危險情況。


單車徑少而斷開
好多網友話「單車唔好喺馬路踩，要踩就去單車徑」，但需知香港根本未有一條完整嘅單車徑，就算將軍澳等新社區嘅單車徑，好多時候都係斷開一段段，唔可一次過踩完一整段單車徑。


高速公路、天橋唔踩得？
可能去郊區，大家都會經常見到一身行裝嘅專業單車人士「練車」，不過近年網上出現唔少「單車Group」，經常搞一啲市區單車團，
仲竟然上高速公路，甚至青衣橋等地方踩，但由於Group友裝備、技術參差，其實非常危險。

行人鬧、司機鬧？
有唔少單車人士都喺網上呻苦，表示雖然一身專業裝備及單車喺香港踩，以為做足功夫，甚至跟足交通燈號，點知都會畀路人形容為「阻住過馬路」；另一邊廂又畀司機覺得「侵佔」馬路，可謂兩面不是人。


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁