Jasper唔啋爹哋媽咪？　有得食連老豆都唔記得！

:0:0

Jasper仔人仔細細就恃紅生驕重？仲要唔理爹哋媽咪？好大膽！陳小春自從帶埋囝囝Jasper上《爸爸去哪兒》第5季之後，Jasper人氣急升！喺節目任入面，兩父子嘅互動可愛又有趣﹐現實呢？Jasper竟然唔啋爹哋媽咪呀！
Cap嚟見我
日前陳小春喺IG上載一段Jasper嘅影片，應采兒叫食緊零食嘅Jasper：「Hi，你跟爹哋hi！」Jasper卻愛理不理，繼續食嘢！

媽咪邊會咁易罷休，再叫「跟爹哋hi！」Jasper終於有反應，一副「冇你咁好氣」嘅樣「Hi！」一下就算！hea爆嘅樣搞笑又可愛。

喺《爸爸去哪兒5》嘅時候，對住有少少惡嘅爹哋陳小春，Jasper初初都有啲驚驚！不過而家大個仔喇！竟然夠膽擺出「WFC」嘅態度！

人哋食緊零食咁滋味！爹哋媽咪唔好咁唔通氣啦！
雖然Jasper貴為爆紅星二代，不過同其他小朋友一樣，8月已經開學了！
應采兒早前喺IG提到，《爸爸去哪兒》第6季就快有得睇喇！
陳小春、應采兒兩公婆，經常喺IG放閃，不過係放囝囝的閃！早排Jasper生日，爹哋當然要放一下閃啦！
慶祝母親節，唔係貼應采兒嘅相，係貼囝囝﹐真係錫到佢燶！
Cap by：陳小春IG、應采兒IG
爆紅星二代豪宅爆光　剩係個廁所都大過你間房！內地真人騷《妻子的浪漫旅行》由應采兒擔任節目主持，不時仲會拉埋老公陳小春出鏡。近日，節目組就首次拍攝到陳小春同應采兒嘅豪宅，仲首次公開Jasper嘅房，最厲害嘅係間房個Size，隨時大過大家屋企！
陳小春豪宅首次公開日前，內地真人騷《妻子的浪漫旅行》嘅節目組到陳小春一家三口的豪宅進行拍攝，更首度深入Jasper嘅房間，由於呢家人嘅屋企實在太大，就連春哥囝囝嘅房都隨時大過一般人家庭個廳，睇到各位觀眾眼定定！
Happy birthday to my Super Jasper

[圖擷取自網路，如有疑問請私訊]