黃秋生失業冇飯開周圍R撈　自爆多年來被某高層封殺

:0:0

黃秋生日前到ViuTV新節目《大星講》擔任嘉賓，佢喺節目向主持陶傑同前DJ陳海琪表示咩都可以問，但答不答另一回事，相信網民都好期待快啲睇到節目，睇下幾位有咩火花。黃秋生又提到，最近完成舞台劇演出，並正在考慮係咪繼續再辦劇團，舞台劇喺香港屬小眾，好難生存，但佢唔做舞台劇就即係失業了！堂堂影帝會失業？佢話近年喺電影同電視劇冇工開，斷晒米路，更聽聞被大台高層封殺多年！
Cap嚟見我
黃秋生擔任ViuTV節目《大星講》嘉賓。

佢表示電影同電視都冇得撈喇，就快被迫退休。

而家得返舞台劇可以做，但係舞台劇實在太難經營，考慮緊仲做唔做落去喎。

佢有份創辦嘅劇團「神戲劇場」近年喺舞台劇界好活躍。

秋生哥連大台視帝都攞過，關係應該唔差啩？佢就話有大台高層怕佢近年嘅言論得罪人多，搵佢拍劇會連累埋大台劇都被封殺喎！

影帝都失業係咩玩法？

咁會唔會效法杜汶澤搞網台呢？佢話自己同阿澤風格唔同，又唔夠對方叻，咪搞！

佢閒時都有做下飲食「KOL」。

暫時冇工作，所以月尾佢就會飛去澳洲，探望早前透過網上尋人相認嘅兩個哥哥同其他家人。

Cap by：Viu TV、網上圖片、黃秋生Facebook、神戲劇場Facebook、杜汶澤Facebook
TBB小花教前輩做戲　原來全靠黃秋生帶挈大台有位小花竟然夠膽教前輩做戲？係真唔係呀？去年尾剛誕下B仔嘅賴慰玲(Winki )，近日喺劇集《棟仁的時光》中飾演袁偉豪同林子善嘅下屬「阿Yan」(丘茵茵)，戲份頗多。演藝學院出身嘅Winki 當年主修演技，係校內高材生，曾演出過多部舞台劇，入行以來曾獲曾志偉、黃秋生等多位影壇大佬提攜，黃秋生仲讚佢係「小鄭裕玲」㖭！原來佢拍首部TVB劇《女人俱樂部》時，就曾教過一位前輩做戲⋯⋯
賴慰玲戀上郭子豪新劇《棟仁的時光》中賴慰玲飾演嘅「阿Yan」同郭子豪飾演嘅「狄倫」係鬥氣冤家，後尾仲發展出辦公室戀情 , 唔少巴絲打都大讚佢嘅演出自然不造作。賴慰玲話劇中不時見到佢肚凸凸，原來拍攝當時佢已經開始陀B，佢話︰「套劇對我好有意義，因為係我陀住BB時拍，當時只得監製、Ben(袁偉豪)、子善同長興知道，佢哋對我都特別照顧！」

賴慰玲同郭子豪(左一)劇中有感情線，佢話當時只得林子善、黃長興、袁偉豪同監製知佢陀緊B！

演藝學院出身現年31歲賴慰玲讀演藝學院表演系出身，早喺佢讀中五那年，演藝已經破例讓Winki跳級入讀，曾演出多個舞台劇，後來經演藝學院老師羅冠蘭推薦，於2014年首次演出無綫劇《女人俱樂部》，試鏡期間一人分飾七角，當時佢深得監製曾志偉欣賞，安排她飾演少女版張慧儀「許珍妮」！

賴慰玲在《女人俱樂部》中飾演少女版張慧儀。

教李麗珍做戲當久未演戲嘅李麗珍難以入戲時，曾志偉就搵賴慰玲幫手為李麗珍分析劇本，成功幫助李麗珍入戲。

賴慰玲曾在曾志偉推薦下教李麗珍做戲。

李麗珍黃秋生封「小鄭裕玲」雖然賴慰玲初演TVB劇有唔少負評，但之後賴慰玲參演《梟雄》獲男主角黃秋生賞識，認為佢聰明而且反應快適合各種戲劇，又稱佢為「細玲」，讚佢演技拍得住「大玲」鄭裕玲。

賴慰玲是實力派演員，她早年曾跟黃秋生、甄詠蓓合辦的「神戲劇場」學戲，仲畢業攞埋證書！

而佢喺《殭》裏面飾演「丘玲梅」一角，同劇年輕演員仲有陳凱琳、陳嘉寶，但觀眾對賴慰玲的評價是「演技已經『超曬班』，已成功演活劇中角色。」更獲網民大讚搶鏡過女主角謝安琪！

鄭嘉穎對賴慰玲另眼相看，同秋生一樣覺得她演技了得，十分有前途。而Winki雖然拍過多套劇集，但完全係零緋聞傳出，堪稱演藝圈的一股清泉呀！

一同演出《殭》嘅謝安琪被彈太生硬，而賴慰玲就獲網友讚演技「超班」。

之後賴慰玲獲無綫電視監製王心慰賞識，在其劇集《迷》中首度擔任第二女主角，亦是第二度與鄭嘉穎合作。

鄭嘉穎亦好錫住賴慰玲，當佢妹一樣！一索得男事業得意，家庭生活也幸福，賴慰玲同舞台劇演員梁子峰已拍拖五年，在去年7月賴慰玲31歲生日時，佢喺網上宣佈懷孕，同年8月兩人簡單簽字註冊結婚，同年12月賴慰玲一索得男，現時佢經常喺社交網絡上分享同囝囝照片，大晒幸福。

陳凱琳、陳嘉寶榮升契媽睇番當日賴慰玲生咗BB後，陳凱琳先在IG上載與陳嘉寶到醫院探望賴慰玲母子的合照，據知，陳嘉寶都係BB嘅契媽！照片中的賴慰玲好精神，而陳凱琳就抱住熟睡中的契仔，BB鼻子高高，輪廓分明好靚仔呀！

賴慰玲生咗BB，好友陳嘉寶同陳凱琳到到醫院探望，陳凱琳仲做BB嘅契媽㖭！

B仔肥肥白白正在甜睡，好得意呀！賴慰玲親自報喜 Post埋生仔相之後賴慰玲也親自在社交平台報喜及上載多張相片，見到好多朋友已經去咗探BB，包括契爺鄭嘉穎、陳凱琳、田蕊妮、陳嘉寶、孫慧雪等。賴慰玲留言話：「Yes!!! My baby boy is born!!!3kg , super lovely」。跟住Winki又話：「原來生仔真係好痛㗎！搏鬥36小時，可惜最終都係要剖腹，無辦法，安全最緊要嘛！」，賴慰玲囝囝嘅英文名叫做「Marat」，係由契爺鄭嘉穎改！「英文名由KC契爺改好，Marat，佢話要好Man，Man到心口有胸毛」賴慰玲不忘答謝老公：「多謝BB爸爸的陪伴，沒有你就不能有我們」好Sweet呀！

生仔相都post埋出嚟！賴慰玲說：「養兒方知父母恩。」

田蕊妮都有去！

BB英文名由鄭嘉穎改！簡單簽紙結婚去年8月，由於賴慰玲腹大便便，所以同梁子峰嘅婚禮未有大搞，簡簡單單簽紙結婚，同好友親友分享喜悅，但一對新人都有跟傳統向長輩斟茶。

賴慰玲在9月時，大住肚同舞台劇演員男友梁子峰簽紙結婚。

而賴慰玲之前在TVB拍《女人俱樂部》而同陳嘉寶、陳瀅成為了好朋友，所以她們都有出席婚禮，同場還有蔡思貝及在《殭》中合作過的鄭嘉穎。

晒大肚寫真去年臨盆在即的賴慰玲曾在社交平台分享性感大肚寫真，以全黑Look示人，展露型媽一面。佢話：「由兩條線到了今天，一步一步走來真不容易。第一次產檢聽到你的心跳聲，喊咗；第一次感受到你的胎動，喊咗；第一次向朋友介紹你的出現，喊咗；第一次見到你郁到我個肚3尖8角，笑咗。這8、9個月來相依為命的每一日，你都令我感覺到好溫暖（有時仲會好熱），女王式的生活快要結束，爸爸媽媽都好期待和你見面，和你一起健康、成長，咁到底你係幾時出嚟呢？」

大肚寫真以全黑白LOOK示人，又靚又有型。

勇敢媽媽選擇順產去年賴慰玲出席好友陳嘉寶婚禮時，曾話BB已經足月兼隨時生得，所以已經準備好「走佬袋」。當時她說﹕「不過已經足月了，我都有想過，飲飲吓作動應該會幾刺激。老公都有來，因他和新郎是朋友，『走佬袋』都放了在車上，隨時ready。同埋我近排出街都會想，如果行行吓街作動會怎樣，應該很刺激。」賴慰玲當時透露會選擇順產，直言想感受生仔的痛楚。