【再見Lonely Christmas】連登仔寫《完全溝女手冊》　助巴打聖誕前脫毒出Pool | 多戀事 | 膠Hub

:0:0

連登成日都有好多網友係上面大談己見，今次就有巴打係上面大講溝女經，佢話希望幫到大家唔洗過lonely christmas！
閱讀全文

佢就好直接係連登開post，又獲得好多巴打嘅讚賞，咁肥仔黎我學完嘢都唔會藏私，同大家一齊睇睇佢講咗乜，咁受眼角高嘅巴打歡迎。

第一章: 改變，從你個look 開始

如果你一見標題就：屌，又係呢d 三幅被，咁你可以去以下條link: www.avgle.com，再準備卷廁紙渡過餘生。
（係呀，又係呢d野，但你溝女，不是溝外星人，女，來來去去都差不多，所以教人溝女都係差不多呢d 野，但你有冇認真實踐過？試過唔得有冇諗過點解？見到人地得自己唔得就只識講這些機會不是我的，咁人地話你係廢青就唔好嬲，因為你真。係。一。個。廢。青！！！）
好，入正題。有誰不希望身邊雌性動物一見你樣就濕，再見你body 就腿張開?但一命二運三風水，天生不是男神都不需自暴自棄，溝女唔一定要天天花以幾小時打扮到由毒變型，。

簡單注意幾點:
1.有暗瘡的，短期醫不好，也不要在流膿出來見人。
2.鼻毛一定不要突出來
3.頭髮要梳好，不要有頭皮，有都不要令人發現
其實仲有5,6,7,8點，不過唔講，因為都係果d野。咁成篇文都係果d野，睇黎有乜用?其實重點係想話你知，你每日用幾分鐘執下個樣已經可以改變好大，唔好以為唔重要，因為有時你無端端收好人卡都唔知乜事，好可能只係突左條鼻毛出黎，又或者飄左塊頭皮落條女杯野飲度。但條女係唔會講你知的。

再補充一點，就係唔好以自己審美準則去改變自己外型。因為如果你眼光係正常，你柒極有個譜的。一定要搵個信得過而又公認(記住係公認，唔係圍內幾個柒頭互相奉承)既朋友幫你執。而你最好唔好加入個人意見，因為又係果句，你意見係得，就唔會柒。
第一章係悶悶地，但個look係基本，之後黎緊廿幾章就主力講心態同技巧，go go go

第二章: 不要只溝一條女

講明唔係主張一腳踏兩船，不過在溝女階段又唔同講法。就好似去商場等位食飯，你都會一次過去幾間餐廳拎幾張飛仔同時等位啦，但入左去食，就好少同時在兩間餐廳食野(唔撚洗錢咩)。
同一時間唔止溝一條女，除左直接地多個機會成功，仲可以有好多好處。首先你可以在唔同女身上試唔同技巧，例如對住A 就口花花，對住B就一本正經，溝得越多，你就越明白一般女仔底線去到邊，同佢地受邊套。再者，溝女係一個互動關係，呀C帶比你一些你覺得有趣的事，你可以對D做返。去邊食飯拍拖行街講電話講乜野話題等，都多左好多參考。

第二，當你將全副心思放在一個人身上時，你越易令佢討厭。人做錯事，好多時係因為情緒失控而衰衝動，而愛情，就係最易牽動你情感的東西。簡單例子，你會因為掛住佢而想搵佢，但如果咁岩佢又唔得閒，你搵佢又會令佢覺得你煩，唔搵自己又難受，咁可以點呢?呢個時候就可以搵第二條女分散下注意啦。
最後亦係最重要一點，女人係好勝心好強的動物，而且感覺敏銳，當佢地feel 到你仲有其他目標時(當然只可以比佢地feel 到，唔可以比佢地確定)，果d列你入觀察名單的，會因為人有我搶的心態，同埋既然佢仲有人吼，應該有料到的諗法，對你加分。(唔信你睇下，港女最鍾意排隊買fb好hit的特色雪糕呀，狗衝去雜誌介紹過的景點打卡等，但未有人食/去呢D野時，在佢隔離都唔會行多步去睇下係乜黎)

另外如果個女仔已經對你有好感但又吊高黎賣中時比佢感覺到有競爭，好有可能有意外驚喜呢。(重提一次，只可以在溝女階段做，否則有機會第二朝訓醒J都冇埋)。
當然，緊記請勿溝同一圈子內的女，對象間不能夠互相認識。除左要顧及形象外，為左滿足自己獸性而燃起女生間妒忌心，影響佢地友情，咁做係一個仆街中的仆街行為。當要行溝女呢條路時，保持一顆赤子之心好重要，請盡量保持自己徘徊於好人中的仆街同仆街中的好人這種心理狀態。一做左仆街中的仆街的話，你就係玩弄感情的賤男，輕則受世人唾棄，重則萬劫不復，除非你已經係情場高手啦(屌咁仲睇呢篇野即係想挑機捉我錯處姐)。
好了，睇到呢度係咪想即刻搵條女黎溝下? 下一章擇偶篇，go go go

第三章:今晚溝乜女如何選擇伴侶，係一門好大學問，而且每個人準則唔同，並不是呢篇文要講既野，呢篇文講既係建議你應該溝乜女，可以提高成功率。而且要講的都唔係指咩外型咩性格，而係講應該溝乜野狀態下既女。
唔明?又舉個例子。熱戀中既女人，當然佢熱戀既對象唔係你啦，雖然唔係一定唔得，但為免浪費彈藥，都係算把啦。
咁應該溝乜野狀態下既女呢?以下會例舉幾個例子，巴打可視乎能力同興趣，睇下邊款適合你:

1.剛失戀的女人
其實都好掙扎唔知寫唔寫呢類。呢種女人易溝，只要在佢唔開心時陪下佢(但記得唔好比太多意見同濕9安慰說話)，而又唔嫌佢煩，用少少耐性同愛心要成功其實唔難。
好多年前試過約個護士joey出街，去左睇到鬼片佢都喊到收唔到聲，食飯果陣又係咁煲煙，一問之下原來佢失戀。咁打鐵趁熱，過左兩日即約佢去飲酒。飲完佢返返屋企，但我點會咁易放過佢，由銅鑼灣送到佢返屯門，仲上埋佢屋企。上到去坐左陣，跟住佢去左梳洗，搞完一輪洗乾洗淨，佢戴住眼鏡出黎話同自己講過一定唔會比男仔見到佢戴眼鏡既樣呀，唔係一係殺左佢一係要同佢結婚呀，又話自己有半張床位剩呀咁。結果呢?結果我做左一件咁多年之後仲後悔既事，就係即走飛的返屋企。講到呢到，實有好多人唔信(屌篇文都唔會有好多人睇到)，事實上我自己都唔多信點解果一刻咁on9。
好啦，點解一開始話唔係太想寫呢類呢?因為除左乘虛而入太冇品之外，呢種狀態女人只係想搵個水泡。巴打就算溝左，當佢地平伏返時好大機會飛起你。
講返joey，唔知係因為佢腿張開我都冇上所以覺得我太冇禮貌，還是我既冷靜令到佢立即平伏(其實當日我一坐上的士已經後悔)，之後佢就再冇理我了。
再再後話，幾個月之後，我有個朋友話我知Joey 竟然約我朋友去英國旅行。而佢地兩個係未見過面的，只係因為我的關係佢地在網上有傾過幾句。我朋友當然冇理到佢，我都再冇同Joey 聯絡了。

２.生活千篇一律的女人
第二種，就係日日返工返學返屋企食飯睇電視訓覺，放假做下家務睇下書睇下戲又一day的女人。呢種女點溝?首先要將自己植入佢生活習慣中，習慣之後再打亂佢生活的節奏，而令佢彷彿入左個新世界，而個新世界入面就得你一個，只要做到呢一步，就已經進入射程範圍，至於之後射唔射到，就睇之後造化了(即係睇你有冇再學埋落去)。
用呢個方法再加埋下一章少少技巧，多年前識(食)左個比我大幾年的 ol christina，仲記得第一次打電話比佢，佢話睇緊電視，咁我就話做完再打比佢啦。如是者每晚十點半我都會打比佢，直至有一晚遲左幾分鐘，佢問我做乜今晚咁遲先打比佢，咁我就知粥差不多滾了。之後假期約左佢出黎，再之後約佢非假期出街，打破佢生活常規，再之後的發展梗直係一個超級甜故(對我黎講)，不過呢樣唔提(住)了。可惜最後自己傷害了她，但這是後話了，事件至今都令我耿耿於懷。

3.覺得係時候搵返個男人既女人
唔高興的事就由佢隨風而去，再講下有乜女好溝。呢個照字面睇應該唔難理解，但要留意同年齡層冇關的，有d 12歲就覺得應該要有返個男朋友，有d 到38先認為自己差不多時候識返個男仔。咁點樣介定佢地係等仔溝呢?好簡單，佢地講到出口咪係law。係ga，香港女仔等仔溝時，明示/暗示/fb/whatsapp/ig status 都會有提示的，就好似你有朋友轉左做基金經理，就算唔係sell你，都總會比你知一樣。呢類其實唔洗點溝，比你遇到的話，盡快暗示自己都係待沽中(記得溝女一定唔可以在佢講明之前講到明!切記!)，跟住盡可能借故搵佢約佢，如果你條件勉強付合到，又咁好彩冇強勁對手的話(有對手都冇乜野，呢類型通常都會同一時間date 幾個)，佢就已經濕晒(呢個唔係形容詞，以前識過做銀行的叫ww，仲記得第一次伸手入佢裙底，佢真係濕到滴出黎)。
同樣地，每一類都有辣有唔辣，因為佢地處於主動求偶(發姣)階段，所以會變得好現實，一遇到更好或是feel 到你冇心/唔合適，就會立即斬纜。

4.受到感情傷害的女人
同失戀唔同，佢地可以係拍緊拖，可以好耐冇拍過拖，甚至完全未拍過拖。
都同唔信男人既女人有些分別，唔信男人既女人，可以係女強人，或者會從由上而下的眼光睇男人，又或者對男人完全死心的女人。對住呢類女人巴打都係放棄好了，無謂浪費時間心機精神同尊嚴，因為溝到已經好難，就算比你溝到，都難免成為佢既玩物(唔係你地幻想果種玩物呀)，被佢褻玩(唔係你地幻想果種褻玩呀)至體無完膚。除非你係人中之龍，唔係都幾難改變呢類女人既心態，不過又係果句，人中之龍就唔洗上網學溝女啦。
好啦，咁講返點先算係第4類女人呢?

就係佢地覺得曾經遇過甚至現在的男人對佢地唔好。佢地會散發一種冇自信的氣質，開口埋口都會話係咁的啦，冇邊個邊個咁好命，冇辦法啦，如個邊個都會咁對我就好la，等等負面字眼。溝呢種類型女人要花多少少時間，你要做一些佢地想男人對佢地做，但又冇男人對佢地做過既野。放心，因為佢地覺得自己係苦命人，所以要求做既野通常唔會好難。
如果巴打只係想中出即飛，做到呢個地步已經差不多，但記住溝女都要有品，飛時做多少少功夫用個較好的籍口，唔好要個女仔感到受傷多一次。
如果真係想同佢過人世，就同時比大量安全感佢，比佢知你可以帶佢走出呢個困境，自然會安心跟你走。

好了，其實揀中目標，已經係成功既一半。只要巴打們要求唔好過份高，條件又唔好過份地低，溝十個以上提過既女人，正常都會有一個落撘。(唔好以為我係數學神童，點解溝十個中一個又會係成功一半?比你地溫習下諗下，打埋幾句後開估。)
重申，以上類型女人唔係指佢地性格，係指女人處於的心理狀態，每一個女人都有可能會經歷以上一種或多種或keep 住是但一種的階段，所以遇上心儀的女神而又唔係處於上述階段，不妨等一等，時機合適時再作攻勢，慕求事半功倍。
諗到點解十中一但又係成功既一半未?因為我預你地一次溝五個嘛，溝兩次就溝十個，十中一咪就係成功一半。
不過講真，人生又未必咁好彩成日比你遇到以上類型女人，遇到又未必鍾意，咁可以點?唯有提高成功機率。點可以提高成功機率?睇落去law ，go go go