【東京車展有得睇】Baby NSX = S2000後繼型號？

:0:0

今日嘅日本車大新聞，必定係疑似開發中嘅本田（Honda）雙座開篷跑車。呢輯相最先喺幾個本田汽車fans討論區出現，追查之下，原來係來自歐盟知識產權局網頁（European Union Intellectual Property Office，簡稱EUIPO），註冊登記用戶可以翻查喺該查登記嘅知識產權設計。

呢輯相嘅知識產權設計者就係來自本田，車身輪廓同車廂都好清晰，睇車身比例，好大機會係中置引擎佈局，所以相片流出無幾耐，歐美傳媒都以「Baby NSX」稱呼佢。
如果大家有記性，可能仲記得去年本田已經向EUIPO成功註冊「ZSX」（http://menclub.hk/auto/7499）一名，當時嗰批相，同今次呢批相好相似。

其實擺得上EUIPO，即係話唔係咩大秘密，本田的確係開發緊定位比NSX低嘅新跑車，與其勉強話佢係「S2000」後繼型號，不如就話佢係全新跑車，喂！唔係FR，你仲佢做S2000，邊有說服力呀！

有關S2000後繼型號，據講內部曾有多個方案，當中包括FR方案，但睇呢輯相，MR方案相信已順利跑出。值得留意，呢部車嘅軚盤「concept car」味好濃，由此猜想，極可能只係概念車設計。但Baby NSX已經「見晒肚」，睇嚟今年秋季舉行嘅東京車展，必定會出嚟亮相。

p.p1 {margin: 0.0px 0.0px 0.0px 0.0px; font: 18.0px Helvetica}現階段談Baby NSX配1.5公升Turbo機器，抑或2.0公升嘅Civic Type R Turbo引擎，實言之尚早，因為，據聞仲有第三個動力系統配搭方案。

[圖擷取自網路，如有疑問請私訊]