【劇透慎入】《致命復活》真兇原來係佢...100%你肯定點估都估唔到...

:0:0

以下內容嚴重劇透，唔想知邊個係真兇而家就好離開!

當大家仲估緊邊個係《致命復活》中綁架韋逸昇(郭晉安)真兇既時候，我既TVB編劇朋友已經爆咗俾我知，你地係咪以為阮喬 (萬綺雯)、林浩仁 (黃德斌)、康成哲 (王浩信)、關士傑 (張國強)、韋逸隆 (古明華)甚至係康文瀚 (于洋)同康成賢 (黃嘉樂)其中一個係主謀呢？少年，你太年輕了，因為全部都錯，真兇係你點都估唔到既，佢就係....馬慧琪，邊個係馬慧琪？咪就係于洋個老婆，王浩信個阿媽，即係謝雪心囉！
原來成件事是咁的，王浩信根本唔係謝雪心親生，果個細仔黃嘉樂先係佢親生仔，而王浩信係于洋同以前一個工人生既，個工人係越南華僑，生咗王浩信之後被謝雪心趕咗返越南(起初于洋成日去越南唔止做生意，仲係去見王浩信阿媽，之後王浩信阿媽病死咗，佢啲生意反而越搞越大)。
當日郭晉安被綁架，就係因為謝雪心想殺咗王浩信，等無人可以同佢親生仔黃嘉樂爭，咁岩郭晉安得罪咗個越南拉鏈廠黑底領袖莫鴻華(何俊軒)，全世界都以為佢為咗報仇綁架郭晉安。不過諗真啲，就算綁架一個普通人，又點會一開口問佢拎200萬美金呀，成1500萬港紙，你又會知郭晉安俾得出囉？所以根本綁架目標就唔係郭晉安，而係王浩信，話綁架郭晉安只係掩飾，咁就算王浩信發生咩事，都只係佢唔好彩，而唔會懷疑到謝雪心身上。

好衰唔衰，當日郭晉安同王浩信逃走，點知俾王浩信走甩，反而捉返郭晉安，班綁匪原來以為王浩信走甩咗就無錢收，點知萬綺雯戇居居咁拎住200萬美金黎越南贖人，萬綺雯一出機場就俾人搶咗個袋，唔見咗100萬美金，就係謝雪心搵人搶既，諗住少咗100萬，班綁匪實會撕票，另一方面又搵人俾咗錢黃德斌，叫佢搵到綁架一定要殺曬佢地，所以黃德斌先會開槍打爆曾偉權(綁匪)個頭。

而郭晉安被困10年，只可以話係一個不幸，因為謝雪心一早就決定要殺死王浩信同郭晉安，只係班綁匪困咗佢去荒島，而葉暐(綁匪)又遇水龍捲遇溺身亡，先無人去接返佢同個傻強(李嘉)。